İnfeksiyalar və tənəffüs problemləri zamanı qripin bəzən ölümə səbəb olduğu bildirilib. 

Qripdən ölüm ağır tənəffüs çatışmazlığı, viral infeksiya, yanaşı olaraq bakterial infeksiya və ya xroniki xəstəliklərin kəskinləşməsi nəticəsində baş verir. 

Aztibb.az ura.news-a istinadən xəbər verir ki, bu barədə terapevt Marina Konstantinova məlumat verib. Qeyd edib ki, yanlış müalicə və vaxtında həkimə müraciət edilməməsi ilə yaranan hər hansı fəsad ölümlə nəticələnə bilər. 

Əsas səbəblər  

Tənəffüs çətinliyi sindromu ilə müşayiət olunan ağır tənəffüs çatışmazlığı, virus infeksiyası, bakterial infeksiya, ağır xroniki xəstəliklərin kəskinləşməsi əsas səbəblərdəndir. 

Qripdən iki-üç həftə sonra yataq rejiminə riayət olunmazsa hətta infarkt da baş verə bilər.  

Gərgin fiziki fəaliyyətlə virus sürətlə qanda yayılır və qan damarlarının divarlarının iltihabına, tez-tez infeksiyalar zamanı isə ürək-damar xəstəliklərinə gətirib çıxarır. Bu da qanın laxtalanmasında dəyişikliyə səbəb olur, virus insult və infarktın inkişafına kömək edir.