COVID-19 infeksiyasından sonra yüksək xolesterol riski çox vaxt bir ilə qədər davam edir. Son iki araşdırma bəzi həkimləri görünən tendensiyaya daha yaxından baxmağa sövq edir. 

Aztibb.az nbcnews.com-a istinadən xəbər verir ki, bu ay “The Lancet Diabetes & Endocrinology” jurnalında dərc edilən bir araşdırmaya görə, əvvəllər koronavirus keçirmiş insanların yüksək xolesterol səviyyələri riskinin 24% artdığı müəyyən edilib. 

Tədqiqatın müəllifi və Sent-Luisdə Vaşinqton Universitetinin klinik epidemioloqu doktor Ziyad Əl-Aly bildirib ki, bu insanlar əvvəllər heç vaxt xolesterol problemi yaşamayan insanlardır. Lakin COVID-19-dan həftələr və aylar sonra problem yaşamağa başlayıblar. 

Tədqiqat zamanı 2020-ci ilin martından 2021-ci ilin yanvarına qədər, peyvəndlərin geniş yayılmasından əvvəl COVID olan 51,919 nəfər arasında yüksək xolesterolun diaqnozlarına baxılıb. Xəstələrin əksəriyyəti 60 yaşlarında insanlar olub. 

Eyni müddət ərzində COVID olmayan 2,6 milyon insanla müqayisədə, COVID olan xəstələrdə bir il sonraya qədər yüksək səviyyələrdə xolesterin müşahidə edilib. Digər bir araşdırmaya görə daha gənc qrup insanlarda da oxşar nəticələrə rast gəlinib. 

COVID virusunun niyə yüksək xolesterola səbəb ola biləcəyi aydın deyil 

Araşdırmalar göstəri ki, davam edən iltihab yüksək xolesterin riskinə bir səbəb ola bilər. Lakin bu tədqiqatların iştirakçıları insanların əsasən evdə qaldıqları dönəm pandemiyanın ilk dalğası zamanı da xəstə idilər. 

Yüksək xolesterinə səbəb kimi digər bir amil gündəlik həyat tərzində və davranışda dəyişikliklər, o cümlədən pəhriz və məşqlərin olmamasıdır. 

Tədqiqatçılar koronavirusdan sonra diabet, ürək-damar və böyrək xəstəlikləri riskin də artdığını söyləyirlər.