Koronavirusun hər yeni ştamı əvvəlkindən daha yoluxucu olacaq. Bu fikri infeksionist Yevgeni Timakov deyib. 

Aztibb.az-ın ren.tv-yə istinadən məlumatına görə, o, həmçinin bildirib ki, güclü yoluxucu olmasına baxmayaraq, yeni COVID-19 mutasiyaları müalicədə əlavə çətinliklər yaratmayacaq. 

"Ən vacibi odur ki, virus daha patogen olmasın. Bu, virusun təkamülüdür", - həkim TASS-a müsahibəsində paylaşıb. 

Daha əvvəl həkim Natalya Loqaçeva bildirmişdi ki, koronavirusunun yeni ştamı “Kraken”in bütün dünyaya yayılacağı qaçılmazdır. 

Həkimlərin fikrincə, “Kraken” koronavirusun ən yoluxucu ştamıdır.  

Həkimlər xəstəliyin ağır formada inkişaf riskini azaltmaq üçün vətəndaşlara peyvənd etməyi tövsiyə edir.