Türkiyəli professorlar BioNTech-i Almaniyadan köçürmək qərarına gəliblər
24.01.2023 14:44

Koronavirusa qarşı ilk peyvənd hazırlayan türkiyəli professorlar Uğur Şahin və Özlem Türeci şirkətləri olan BioNTech-i Almaniyadan köçürmək qərarına gəliblər. 

 

Aztibb.az-ın medimagazin.com.tr-yə istinadla xəbərinə görə, Almaniyada tibb dünyasının ən əhəmiyyətli mükafatlarından sayılan "Paul-Ehrlich" və "Ludwig Darmstaedter - 2022"ni də alan cütlük, şirkətin fəaliyyətini İngiltərəyə köçürməyi planlaşdırırlar.

 

Almaniya mətbuatında çıxan xəbərlərdə ölkədəki ağır bürokratiya tənqid edilib. Problemlərin daha tez aradan qaldırılması üçün İngiltərədəki dərman hazırlayan şirkətlərlə səlahiyyətlilər arasında daha sıx əlaqənin olduğu bildirilir.

 

Mövzu ilə bağlı çıxış edən prof. Ö.Türeci Avropada biotexnologiya ekosistemlərinin təşviqi, müvafiq qaydalar və təlimatlar, eləcə də bunun araşdırmaların maliyyələşdirilməsi ilə daha sürətli praktikaya çevrilməsi baxımından qərarların təsirli olduğunu söyləyib.

 

Nərgiz Qəhramanova
Müəllifin digər yazıları