Elm adamları baş ağrısı, yaddaş itkisi və yorğunluq kimi simptomların koronavirusa tutulduqdan və sağaldıqdan sonra davam etdiyi "uzun COVID-19" sindromu ilə bağlı əlamətlər olduğunu tapmağa müvəffəq olublar.

Aztibb.az-ın medimagazin.com.tr-yə istinadla xəbərinə görə, Braziliyada aparılan araşdırmada koronavirus keçirmiş bəzi insanlarda görülən “uzun COVID-19” sindromu ilə bağlı mühüm nəticələr ortaya çıxıb.

Belə ki, alimlər tərəfindən COVID-19 keçirmiş yaşı 18-dən yuxarı olan insanların məlumatları araşdırılıb. 749 adamın sağlamlıq vəziyyətini araşdıran elm adamları, fiziki fəaliyyətə qatılmayan və az hərəkət edən fərdlərdə bir və ya bir neçə əlamətin görüldüyünü açıqlayıblar.

Alimlər, həmçinin koronavirus keçirdikdən sonra əlamətləri qalanlarla heç bir simptom müşahidə edilməyənləri müqayisə ediblər. COVID-19 əlamətləri olmayanların daha çox fiziki fəaliyyət göstərdiyi aşkar edilib.