Çində COVID-19 tədbirlərinin yumşaldılmasından sonra ölkənin ən böyük şəhəri olan Şanxayda əhalinin təxminən 70 faizinin bu virusa yoluxduğu güman edilir.

Aztibb.az medimagazin.com.tr-yə istinadla xəbər verir ki, bunu Şanxay Ruycin Xəstəxanasının baş həkiminin müavini və şəhərin COVID-19 Məsləhət Şurasının üzvü Çın Arcın Kommunist Partiyasının “Xalq gündəliyi” nəşrinə verdiyi açıqlamada bildirib.

O, 25 milyondan çox əhalisi olan şəhərdə Ruycin Xəstəxanasının Təcili yardım şöbəsinə gündə 1600-dək xəstənin daxil olduğunu, onların 80 faizinin COVID-19 ilə əlaqəli olduğunu söyləyib. Həmçinin qeyd edib ki, koronavirusa yoluxan xəstələrin təxminən yarısı yaşlılar və immuniteti zəif olan sakinlərdir.

Şanxayda iki ayda 600 min yoluxma qeydə alınıb, xəstələrdən 600-ə yaxını dünyasını dəyişib.