Ümumdünya Səhiyyə Təşkilatının (ÜST) Tibbi Ərazi Bölmələrini İdarəetmə Birliyi (TƏBİB) ilə əməkdaşlığı çərçivəsində Gəncə Şəhər Birləşmiş Xəstəxanasında tibbi ləvazimatların təhvil-təslimi həyata keçirilib.

 

Bu barədə Aztibb.az-a Gəncə Şəhər Birləşmiş Xəstəxanasından bildirilib.

 

Qeyd olunub ki, “Sağlamlıq xəmsəsi” layihəsi çərçivəsində ÜST-nin nümayəndəsi Cəvahir Süleymanova, TƏBİB-in layihə üzrə koordinatorları Ramin Burcəliyev və Rəna Hüseynova Gəncədə olublar.

 

Səfər çərçivəsində, ilk olaraq, Gəncə Şəhər Birləşmiş Xəstəxanasının direktoru Nazim Əhmədovla görüş keçirilib. Daha sonra qonaqlar Aptek bölməsinə baş çəkib, tibbi avadanlıqları aptekə təhvil veriblər.

 

Gəncə Şəhər Birləşmiş Xəstəxanasına təhvil verilən avadanlıqların siyahısına cərrah geyimləri, qoruyucu eynəklər, steril cərrahi əlcəklər, tibbi və respirator maskalar, spirt və s. daxildir.