Koronavirusu ağır formada keçirmiş xəstələrin peyvənd olunması şərt deyil.

Aztibb.az poisknews.ru resursuna istinadla bildirir ki, bu barədə Rusiyanın N.F.Hamalei adına Epidemiologiya və Mikrobiologiya Milli Tədqiqat Mərkəzinin direktoru Aleksandr Ginsburq məlumat verib. Mütəxəssisin fikrincə, sağalmış pasiyentlərdə artıq COVID-19-a qarşı güclü immunitet yaranıb.

O, bildirib ki, vaksinasiyanın müddətini dəqiq demək mümkün olmasa da, belə xəstələrdə yaxın zamanda peyvənd olunmağa ehtiyac yoxdur.

Epidemioloqun sözlərinə görə, çoxsaylı tədqiqatlar göstərir ki, xəstəliyi keçirmiş pasiyentlərdə güclü müdafiə – qanda virusa qarşı anticisimlər dövr edir.

Qeyd edək ki, mütəxəssis xəstəliyi orta və yüngül dərəcədə keçirmiş şəxslərin vaksinə ehtiyacı olub-olmaması barədə dəqiq məlumat verməyib.