“Həkimlərimizi tanıyaq!” rubrikamızda səmimiyyəti və peşəkarlığı ilə seçilən Mingəçevir Şəhər Mərkəzi Xəstəxanasının TTTYS-nın böyük həkimi Mətanət Muxtarova haqqında məlumatları oxucuların diqqətinə çatdırırıq.
Mətanət Hacı qızı Muxtarova 7 yanvar 1975-ci ildə Mingəçevir şəhərində anadan olub. 1992-ci ildə 7 saylı orta məktəbi qızıl medalla bitirib. 1992-1998-ci illərdə N.Nərimanov adına Tibb İnstitutunun Müalicə-proflaktika fakültəsində təhsil alıb. 1998-1999-cu illərdə Mingəçevir ŞMX-da internatura keçib.
O, 1999-cu ildə 1 saylı Poliklinikada həkim-terapevt kimi əmək fəaliyyətinə başlayıb. 2010-cu ildə Mingəçevir ŞMX-nın TTTYS-da çağırışçı həkim işləyib. Əlavə olaraq 2010-2016 -cı illərdə Mingəçevir televiziyasında “Şəfa Sağlamlıq" proqramında aparıcılıq edib. Mətanət Muxtarova 2014-cü ildən TTTYS-də böyük həkim vəzifəsində fəaliyyətini davam etdirir.
