Rubrikada bu dəfə Mingəçevir Şəhər Mərkəzi Xəstəxanasının Doğum şöbəsinin mama-ginekoloqu Şahidə Piriyeva haqqında məlumatları diqqətinizə çatdırırıq.

 

Şahidə Akif qızı Piriyeva 29 iyul 1974-cü ildə Mingəçevir şəhərində anadan olub. 1992-1999-cu illərdə Rusiya Federasiyasının Çelyabinsk Dövlət Tibb Akademiyasında Müalicə işi fakültəsində təhsil alıb. 1999-2000-ci illərdə həmin Akademiyada mama-ginekoloq ixtisası üzrə kliniki internatura keçib.

 

O, 2000-ci ildə Mingəçevir ŞMX-nın Doğum evinin Qadın məsləhətxanasında sahə həkimi vəzifəsində əmək fəaliyyətinə başlayıb. 2002-ci ildə xəstəxanamızın Hamiləlik Patologiya şöbəsinə müdir təyin edilib. 2017-ci ildən Mingəçevir ŞMX-nın Doğum şöbəsində mama-ginekoloq vəzifəsində çalışır.

 

Peşəkar həkim Şahidə Piriyeva daim öz ixtisası üzrə təkmilləşməyə, yeni biliklər öyrənməyə üstünlük verir. Mütəmadi olaraq elmi-praktik konfranslarda, seminarlarda, kurslarda iştirak edərək daim yenilikləri öyrənir.

 

Şahidə həkim 2012-ci ildə Çelyabinsk şəhər Tibb Akademiyasında ultra-səs üzrə, 2018-ci ildə Minsk vilayət Doğum evinin Cərrahi-ginekologiya şöbəsində və 2019-cu ildə Ukrayna Respublikası Odessa vilayətinin Ginekologiya mərkəzində təkmilləşmə kursları keçib.