Çin höküməti COVID-19-a qarşı burun peyvəndini təsdiqləyib
06.09.2022 10:48

Çin höküməti iynəsiz və burundan nəfəs alaraq istifadə edilən COVID-19 peyvəndini təsdiqləmək qərarına gəlib. "CanSino Biologics" şirkəti tərəfindən hazırlanmış peyvəndin alternativ olacağı gözlənilir.

 

Aztibb.az medimagazin.com.tr-yə istinadən xəbər verir ki,  “Convidecia” adlı peyvəndin bir dozası bədəndə humoral və toxuma immun cavabı yaradır.

 

Çin hökumətinin verdiyi qərardan sonra "CanSino Biologics"in səhm dəyəri 14,5 faiz artıb, bu peyvəndin insanlar üzərində sınaqdan keçirildiyi və müsbət nəticə verdiyi bildirilib.

 

Qeyd edək ki, burun peyvəndi tənəffüs yollarının selikli qişasının səthində koronavirus infeksiyasına qarşı selikli qişa immunitetini, həmçinin qanda humoral və hüceyrə immunitetini formalaşdırır.