Ürək nahiyəsində şiddətli ağrılarla Qazax Rayon Mərkəzi Xəstəxanasına müraciət edən 56 yaşlı pasiyentin qəfil ürək dayanması baş verib.

 

Bu barədə Aztibb.az-a Qazax RMX-dan məlumat verilib.

 

Bildirilib ki, hadisəyə dərhal müdaxilə edən tibbi heyət tərəfindən ürək-ağciyər reanimasiyası, döş qəfəsinin kompressiyaları və defibrilyasiya tədbirləri həyata keçirilib.

 

Reanimasiya prosesi zamanı pasiyentin ürəyi iki dəfə dayansa da, həkimlərin operativ, koordinasiyalı və peşəkar müdaxiləsi nəticəsində hər ikisində spontan qan dövranı bərpa olunub. Müalicəsi uğurla davam etdirilən şəxs yaxşılaşma halı ilə oktyabrın 28-də evə buraxılıb.