Aztibb.az xəbər verir ki, konfransda Gəncə Şəhər Birləşmiş Xəstəxanasının və ətraf rayonların qastroenteroloq, cərrah, onkoloq, hepatoloq, eləcə də terapevtlərin iştirak etdiyi konfransda Türkiyə, Rusiya, Ukrayna, eləcə də Bakıdan dəvət olunan professorlar, həkim mütəxəssislər iştirak ediblər.

 

Tədbirdə yerli və xarici mütəxəssislər tərəfindən “Endoskopik submukozal disseksion”, “Qida borusu stentlənməsi. Nə zaman? Hansı stent?”, “Heriatrik xəstələrdə üst GİS qanamalarının endoskopik müalicəsi”, “Perianal fistulların müalicəsində cərrahi müdaxilə üsullarının seçilməsi” və digər əlaqəli mövzularla bağlı məruzələr dinlənilib.

 

Türkiyədən dəvət olunan Qazi Universitetinin Tibb fakültəsinin həkimi, professor Mehmet İbişlə azərbaycanlı həkimlərin müasir yolla birgə həyata keçirdiyi mədə qanaması olan xəstəni endoskopik yolla müalicəsi də əməliyyatxanadan canlı izlənilib.

 

“I Gəncə Qastroenteroloji günləri” tibbi konfransında təbabətin müxtəlif sahələrində aktual olan bir çox problemlərin həlli yolları barədə müzakirələr aparılıb, canlı təqdimatlar olub.