Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli avqust ayının 14-də Kürdəmir rayonunda yerləşən “Azərsüd” MMC-nin fəaliyyəti ilə tanış olub.

Bu barədə Aztibb.az-a AQTA-dan məlumat verilib.

Bildirilib ki, AQTA-nın sədri müəssisədə südün qəbulu və emalı proseslərini izləyib, laboratoriyaya, həmçinin “Azərsüd” əmtəə nişanlı süd və kərə yağı istehsalı sahələrinə baxış keçirib.

Müəssisənin rəhbərliyi tərəfindən istehsal sahələrində həyata keçirilən işlər, istehsal proseslərinin təşkili, tətbiq olunan texnologiyalar və qida təhlükəsizliyi tələblərinin təmin olunması istiqamətində görülən tədbirlər barədə məlumat verilib.

Qoşqar Təhməzli süd və süd məhsullarının istehsalı prosesində qida təhlükəsizliyi tələblərinə riayət olunmasının və istehlakçıların sağlamlığının qorunmasının vacibliyini vurğulayıb.