Qobustan Rayon Mərkəzi Xəstəxanasında azyaşlı uşaqlar, hamilə və zahı qadınlara göstərilən patronaj xidmətinin təşkili ilə bağlı təlim keçirilib.

Xəstəxanadan Aztibb.az-a verilən xəbərə görə, təlim Ailə Sağlamlığı Mərkəzinin şöbə müdiri Nərgiz Sadıqzadə tərəfindən aparılıb.

Təlimdə tibb müəssisəsinin həkimləri, kənd həkim məntəqələrinin və kənd ailə sağlamlığı mərkəzlərinin əməkdaşları iştirak ediblər

Təlim zamanı azyaşlı uşaqların, hamilə və zahı qadınların sağlamlıq vəziyyətinin patronaj xidməti çərçivəsində izlənilməsi, profilaktik tədbirlərin təşkili, risklərin erkən müəyyənləşdirilməsi və patronaj xidmətinin səmərəli təşkili ilə bağlı məsələlər müzakirə olunub.

Təlimin əsas məqsədi patronaj xidmətinin keyfiyyətinin artırılması, tibb işçilərinin bu istiqamətdə bilik və bacarıqlarının təkmilləşdirilməsi, əhalinin həssas qruplarına göstərilən tibbi xidmətlərin daha səmərəli təşkili olub.