Gəncə şəhər Birləşmiş Xəstəxanası PHŞ-in Kardioloji xəstəxanası 1991-cı ildən Gəncə Rayonlararası Kardioloji dispanser adı ilə fəaliyyətə başlayıb. 2011-ci ilin noyabr ayından Səhiyyə Nazirliyinin qərarı ilə Rayonlararası Kardioloji dispanser Kardioloji xəstəxana adı ilə dəyişdirilib.

İcbari Tibbi Sığortanın tətbiqi ilə əlaqədar tibb müəssisəsi 2021-ci ilin yanvar ayının 1-dən Gəncə şəhər Birləşmiş Xəstəxanasının tabeliyində Kardioloji xəstəxana kimi fəaliyyət göstərir.

Hazırda xəstəxanada 3 şöbə var :
1. Reanimasiya, intensiv terapiya və anesteziologiya şöbəsi - 10 çarpayılıq
2. Miokard- infarktı şöbəsi - 40 çarpayılıq
3. Ritm pozğunluğu şöbəsi - 40 çarpayılıq

Son 5 ildə xəstəxana müasir standartlara cavab verən tibbi avadanlıqlarla təmin olunub. Bunlardan - Rentgenqrafiya aparatı, EXO, Primedic Defi, Stres test, EKQ, rəngli USM, dopler, hemotoloji analizator, kardiomanitor, defibrillyator aparatı və başqalarını göstərmək olar.

Bununla yanaşı, xəstəxanada biokimyəvi, klinik laboratoriya kabinetləri, USM, rentgen kabineti və s. fəaliyyət göstərir.

Kardiololoji xəstəxanası 7/24 saat fasiləsiz olaraq əhalinin sağlamlığının qayğısına qalır. Buraya infarktlı və digər ürək xəstəlikləri ilə daxil olan xəstələrin tam müayinə və müalicəsi üçün hər bir şərait var. Həkimlər kompleks müayinə apararaq, xəstənin səhhəti haqqında dolğun informasiya əldə edib, dəqiq diaqnoz qoyduqdan sonra xəstəyə tam və düzgün müalicə sxemi təyin edirlər.

Xəstəxanada mütəmadi olaraq elmi-praktik konfranslar keçirilir.

Qeyd edək ki, tibb müəssisəsinin həkimlərinin hər biri Kardioloqlar Cəmiyyətinin üzvüdür və mütəmadi olaraq Kardioloqlar Cəmiyyəti tərəfindən təşkil edilən konfranslarda iştirak edirlər.