Milli Hematologiya və Transfuziologiya Mərkəzində Beynəlxalq Talassemiya Federasiyasının Transfuziyadan asılı olmayan talassemiyanın müalicəsi üzrə Rəhbərliyin təqdimatı keçirilib.

Aztibb.az xəbər verir ki, təqdimatda Mərkəzin icraçı direktoru Valeh Hüseynov dövlətimiz tərəfindən bu sahəyə daim yüksək diqqət və qayğı göstərildiyini qeyd edib. O, qeyd edib ki, tərcümə olunaraq istifadəyə verilən Rəhbərlik 2017-ci ildə buraxılmış sayca 2-ci nəşridir.

Milli Hematologiya və Transfuziologiya Mərkəzinin Hematologiya şöbəsinin böyük elmi işçisi, tbb üzrə fəlsəfə doktoru Çingiz Əsədov çıxış edərək Rəhbərliklə bağlı iştirakçılara məlumat verib. Bildirib ki, hazırda Rəhbərliyin Azərbaycan dilinə olan tərcüməsi Beynəlxalq Talassemiya Federasiyasının sosial media hesablarında yeganə başqa dildəki buraxılış kimi yayımlanmaqdadır.

Daha sonra tədbir Rəhbərliyin Azərbaycan dilinə olan tərcüməsinin redaksiya heyətinin çıxışları ilə davam etdirilib.

Təqdimatın sonunda iştirakçıların hər birinə “Transfuziyadan asılı olmayan talassemiyanın müalicəsi üzrə Rəhbərlik” təqdim olunub.