Siqaretin orqanizmə olan təsiri barədə hətta siqaret qutularının üzərində yazırlar. Bəs konkret olaraq dəriyə və gözəlliyimizə olan təsiri barədə nə bilirik?

Aztibb.az xəbər verir ki, bununla bağlı dermatoloq Leyla Zülfüqarova paylaşım edib.

Məlumatda qeyd edilib:

Estetik dəyişikliklər:

Ağzın dairəvi əzələsinin daimi gərginlikdə olmasından əmələ gələn "kiset" (torba ağzına bənzər) qırışlar

Dəri quruluğu

Kapilyar divarının tonusunu itirməsindən dolayı inkişaf edən kuperoz, durğunluq

Dərinin boz (torpaq) rəng alması, tonun qeyri-bərabərliyi, təravətinin itməsi.

Dermatoloji dəyişiklər:

Siqaretin tərkibindəki maddələr dəridə C vitamininin aktiv formasının əmələ gəlməsinin qarşısını aldıqları üçün yerli immuniteti zəiflədirlər. Bu isə öz novbəsində aşağıdakı halların inkişafına səbəb olur:

Hiperhəssaslıq (həssaslığın artması)

Regenerasiyanın zəif olması (zədə zamanı dərinin bərpası)

Dərinin yenilənməsinin gecikməsi (və bundan irəli gələn hiperkeratoz - dərinin qalınlaşması)"