Azərbaycan Respublikası Dövlət Gömrük Komitəsi (DGK) Tibbi Xidmət İdarəsinin rəis müavini, t.ü.f.d., dosent İsmayıl Əfəndiyevin “Azərbaycanda COVID-19 və metanolla zəhərlənmələr” adlı tədqiqatının nəticələri Ümumdünya Səhiyyə Təşkilatı (ÜST) tərəfindən ayrıca nəşr kimi dərc olunub və ÜST-nin rəsmi saytında yerləşdirilib.

 

Aztibb.az xəbər verir ki, tədqiqatda koronavirus (COVID-19) pandemiyasının Azərbaycanda metanolla zəhərlənmələrə təsiri araşdırılır və ölkənin kimyəvi maddələrin idarə edilməsində potensialının artırılmasının mümkün yolları barədə məlumat verilir.

 

Məqalədə COVID-19 pandemiyası ilə əlaqədar zəhərlənmələrin epidemiologiyasının qiymətləndirilməsi əsasında mümkün profilaktik tədbirlərdən bəhs olunur, metanol zəhərlənməsinin qarşısının alınması ilə bağlı əhalinin maarifləndirilməsinə yönəlmiş tədbirlərdən danışılır.

 

Nəşri aşağıdakı linkdən yükləmək olar: https://www.who.int/publications/i/item/9789240036185