Həkim bildirib ki, uzun illərdir ürək-damar xəstəlikləri həm də robotla icra edilir. Ürək damar cərrahiyyəsində - ürək qapaqlarında olan problemlər, uşaqlarda anadangəlmə ürək qüsurları, ürəkdə olan şişlərin çıxarılması və şiş yerinin təmir olunması robotlarla aparılır.

 

Onun sözlərinə görə, robotik cərrahiyyə kiçik kəsiklərlə edilən ürək əməliyyatları üçün istifadə olunur və əməliyyatın daha asan icra edilməsi imkanı yaradır.

 

"Bu metodla döyünən ürəkdə əməliyyat icra edilir. Kəsik aparılmadan, kiçik dəliklər açmaqla problemlər aradan qaldırılır. Kəsiksiz olduğuna görə, daha az travmatikdir, qanaxma riski azdır. Xəstə əməliyyat günü ayağa qalxır və gəzə bilir", - deyə C.Gülmalıyev qeyd edib.