Danimarkanın Aalborg Universitetində aparılan araşdırmalara görə, ömrünün istənilən vaxtında Bifosfonat (alendronat) ilə müalicə olunan şəxslərdə diabet riski heç vaxt istifadə etməmiş şəxslərlə müqayisədə 36% daha aşağı olub.

 

Bəs sümük əriməsində istifadə olunan Bifosfonat qrupu preparatlar tip 2 diabetin qarşısını ala bilərmi?

 

 

Həkim bildirib ki, Avropa Diabet Araşdırma Assosiasiyasının (EASD) bu ilki toplantısı zamanı qeyd edilib ki, osteoporoz dərmanı Alendronatın uzun müddət istifadəsi diabet riskini bir qədər azaldır. Bu, şəkər və sümük metabolizmasının bir-birinə təsir etdiyini göstərir. Diabetli xəstələrin sümük sərtliyi azalır və densitometriya müayinəsində sümük sıxlığı normal olsa da, bu xəstələrin çoxunda osteoporoz və sınıq riski olduğu qeyd edilir.

 

Onun sözlərinə görə, xüsusilə 8 ildən çox Bifosfonat preparatları ilə müalicə olunanlarda şəkər xəstəliyinə tutulma şansı 53% azaldığı bildirilib.

 

"Araşdırma üçün gələcək addımlar, insulinə rezistentlik, sümük indeksləri və glikemik nəzarət arasındakı əlaqənin qiymətləndirilməsi, sağlam insanlarda, prediabetli və tip 2 diabetli xəstələrdə müqayisə edilməsi yönümlüdür. Alendronatın tip 2 diabetli xəstələr üçün ən yaxşı anti-osteoporotik müalicə olduğunun araşdırılması da gələcək hədəflər içindədir", - deyə F.Burzu əlavə edib.

 

Həkim bildirib ki, sümük sistemi pasientlər tərəfindən unudulan ən əsas sistemlərdən biridir. Yalnız yaşlandığımız, qırıqlar və sınıqlar əmələ gəldiyi zaman xatırlanır.