Fransanın ən yaşlı sakini Jul Teobald 112 yaşında dünyasını dəyişib.

Aztibb.az xəbər verir ki, bu barədə “France-Antilles” portalı məlumat yayıb.

Teobald Martinika departamentinin inzibati mərkəzi Fort-de-Frans şəhərində yaşayıb.

2019-cu ildə 111 yaşlı Roje Ovenin ölümündən sonra o, Fransanın ən yaşlı sakini idi.

Qeyd edək ki, Teobald əvvəllər balıqçı olub. Ailə üzvləri onu “Akula” deyə çağırırdı.

Teobaldun rəsmi olaraq 17 aprel 1909-cu ildə anadan olduğu bildirilir. Lakin iki il əvvəl doğulduğu barədə də məlumatlar var.