- Hamiləlik. Hamilə orqanizmində ümumi sirkulyasiya edən mayenin 20-30%-i artır, döl çanaq venalarını sıxır, damar divarı zəifləyir və sonda hamiləlikdə varikoz inkişaf edir. Hamiləlikdə varikoz 50% hallarda geri dönən xarakter daşıyır;

-  Genetik meyillilik. Varikozdan əziyyət çəkənlərin 25%-nin yaxın qohumları varikoz, babasil, varikozsel, yastıpəncəlik, qarın yırtıqları, skolioz, miopiya kimi xəstəliklərdən əziyyət çəkir;

- Oturaq, yaxud statik həyat tərzi. Oturaq iş və passiv həyat tərzi aşağı ətrafların varikoz damarlarını inkişaf etdirən əsas risk faktorlarından biridir;

- Piylənmə. Artıq piy toxuması qanın yuxarı qalxmasında mexaniki çətinlik yaradır;

- Qarındaxili təzyiqin artması. Xroniki qəbizlik, prostat adenoması, xroniki öskürək, dar alt paltarın daimi geyinilməsi, korsetlər qarındaxili təzyiqi artırır;

- Yaşlılıq. İnsan yaşlandıqca damar divarı və qapaqlar öz elastikliyini ititrərək varikozun yaranmasına zəmin yaranır;

- Dərin venaların trombozu. Bu zaman əvvəllər fəaliyyət göstərməyən venalar işə düşür;

- Kontraseptiv və digər hormonlar.