Dəniz səviyyəsindən bir qədər hündürlükdə yaşamaq insult ehtimalına təsir edir.

Aztibb.az medikforum.ru-ya istinadla xəbər verir ki, bu barədə "Frontiers in Physiology" jurnalında dərc edilmiş yeni tədqiqat işində məlumat verilir. Tədqiqat zamanı Ekvadorda dörd müxtəlif hündürlükdə (1500 metrdən aşağı, 1500-2500 metr, 2500-3500 metr və 3500-5500 metr) yaşayan insanlarda insultla əlaqədar xəstəxanaya yerləşdirmələr və ölümlərin sıxlığı araşdırılıb.

Tədqiqat işinin əsasında 17 il ərzində insult keçirtmiş 100 mindən çox pasiyentin tibbi məlumatları dayanır. Araşdırma göstərib ki, yüksək hündürlüklərdə yaşayan insanlar insult və ölümün daha aşağı riskinə malikdirlər. Qoruyucu effekt 2000-dən 3500 metrə qədər hündürlükdə daha güclüdür.

Nəticələrə əsasən, 2500 metrdən yuxarı hündürlükdə yaşayan insanlar daha aşağı hündürlüklərdə yaşayan insanlarla müqayisədə nadir hallarda gənc  yaşda insultla rastlaşırlar. Maraqlıdır ki, yüksək hündürlüklərdə yaşayan insanlar, həmçinin daha kiçik ehtimalla xəstəxanaya yerləşdirilmə və ölümlə qarşılaşırlar. Ancaq bu qoruyucu effekt 2000 və 3500 metr arasında və 3500 metrdən yuxarı hündürlükdə daha yüksəkdir.