Həkim-endokrinoloq Fərhad Burzu düyünlü zobun (Tiroid düyünləri) verdiyi şikayətlər və əlamətlər barədə məlumat paylaşıb.

 

Həkim bildirib ki, düyünlü guatrı olan xəstələrin çoxunda demək olar ki, heç bir şikayət olmur. Bu xəstələrdə düyünlərin aşkarlanması çox vaxt başqa bir səbəbdən həkimə müraciət etdikdə olur.

 

Onun sözlərinə görə, düyünlər, fiziki müayinə (həkimin əl ilə yoxlaması) və ya tiroidə aid olmayan görüntülü diaqnostik müayinələrdə aydınlaşır. Tiroid vəzin içindəki düyün çox vaxt kənardan gözlə ayırd edilmir. Çox az sayda xəstə boynundakı şişliyi özü və yaxınları hiss edib, həkimə gəlir. Bundan başqa, çox az xəstə qrupu bu düyünlərdən normadan çox ifraz olunan tiroid hormonuna (hipertiroizdizm) dair şikayətlərlə həkimə müraciət edir.

 

"Təəsüf ki, bir çoxları düyünlər aşkarlansa belə, ətraflı müayinəni və diaqnozun təsdiqini ehmal edirlər, "ciddi bir şeyim yoxdur" deyib getmək istəyirlər. Halbuki araşdırmalar göstərir ki, bu düyünlərin 5%-i tiroid xərçəngi ola bilər. Bu səbəbdən də pasinetlərə məsləhətimiz odur ki, əgər müayinə əsnasında tiroid düyünündən şübhə edilərsə, pillə-pillə bütün müayinələrdən keçsinlər və həkimin göstərişi olan müalicəni yerinə yetirsinlər", - deyə Fərhad Burzu qeyd edib.