Rusiyada son sutka ərzində koronavirusa 6 537 yeni yoluxma halı qeydə alınıb. Koronavirus xəstələrinin sayı 733 699 nəfərə çatıb.

Aztibb.az Lenta.ru-ya istinadən xəbər verir ki, bu barədə Koronavirusun Yayılması ilə Mübarizə üzrə Operativ Qərargahdan bildirilib.

Ölkədə bir gün ərzində 104 ölüm hadisəsi qeydə alınıb.

Ümumilikdə isə 11 439 nəfər koronavirusun qurbanı olub, 504 021 nəfər sağalıb.

Qeyd edək ki, dünyada 12,8 milyondan çox koronavirusa yoluxma halı aşkarlanıb.