İstanbul Medipol Universitetinin açıqlamasına görə, TÜBİTAK COVID-19 Türkiyə Platforması çərçivəsində inkişaf etdirilən və Bahçeşehir Universiteti Tibb fakültəsinin professoru Serdar Durdağın rəhbərlik etdiyi, İstanbul Medipol Universiteti Beynəlxalq tibb fakültəsinin Tibbi Farmakologiya, Dərman Kəşfi və İnkişaf Mərkəzinin müdiri, dosent Mustafa Güzelin koordinator tədqiqatçı olaraq iştirak etdiyi layihə COVID-19-la mübarizədə yeni nailiyyətə imza atıb.

Aztibb.az medimagazin.com.tr-yə istinadən xəbər verir ki, layihədə pre-klinik tədqiqatlara Birləşmiş Ərəb Əmirlikləri, TUBİTAK, İstanbul Medipol Universiteti və Koç Universitetindən ümumilikdə 30-dan çox tədqiqatçı və alimin töhfəsi ilə başlanılıb.

Bioloji sınaqları aparılmış Montelukastın SARS-CoV-2 virusunun hüceyrəyə girməsi və hüceyrə daxilində çoxalmasına maneə törətdiyi aşkarlanıb.

İkinci mərhələ üzrə işlərin qısa müddət ərzində 8 fərqli mərkəzdə başlanılacağı bildirilib.