Böyrəklərinizə qarşı etdiyiniz yanlış vərdişlərdən biri sidiyə çıxmağı gecikdirməkdir. Sidik kisəsini uzun müddət sidiklə dolu saxladığınızda, bu vəziyyət sidik kanallarına müxtəlif mənfi təsirlər göstərir.

 

Aztibb.az xəbər verir ki, bu barədə həkim-nefroloq Barat Yusubov məlumat verib.  O, uzun müddət sidiyi saxlamağın böyrəklərə zərərlərindən danışıb. 

 

Həkimin sözlərinə görə, uzun müddət sidiyi saxlamaq ilk zamanlarda sidiyə çıxmaqda çətinlik, infeksiyaların yaranmasına, daha çox vaxt keçdikdə isə sidik kisəsi əzələlərində zədələnmə və zəiflik, sidiyə çıxmanı kontrol edə bilməmək kimi problemlər yarada bilər.

 

B.Yusubov əlavə edib ki, bu müddət daha uzun olduqda isə, hidronefroz, yəni sidiyin böyrəklərə davamlı olan təzyiq göstərməsi nəticəsində yarana bilən böyrək çatışmazlığına yol açır. Hətta bu vəziyyət dializ ehtiyacı ilə sonlana bilər.