Qranada Universitetinin alimləri hamiləliyə qədər və mayalanma zamanı stress keçirən qadınların qız övlad dünyaya gətirmə ehtimalının 2 dəfə daha çox olduğunu müəyyən ediblər.
Aztibb.az meddaily.ru-ya istinadən xəbər verir ki, tədqiqat çərçivəsində 108 qadın hamiləliyin birinci həftələrindən doğuşa qədər müşahidə altında olublar.
Bu müddət ərzində onların saçlarında və müxtəlif psixoloji testlər vasitəsilə krotizol hormonunun konsentrasiyasının qiymətləndirilməsinin köməyi ilə mayalanmadan əvvəl, mayalanma vaxtı və ondan sonra qadınların stress səviyyəsi təsbit edilib. Təxminən hamiləliyin 8-10 həftəsində götürülmüş saç nümunələrində kortizol dəyərləri ötən üç ay ərzində (saç bir ay ərzində bir santimetr uzanır) hamilə qadında kortizol konsentrasiyasını göstərib.
Nəticədə alimlər doğuş və uşağın cinsi ilə bağlı müxtəlif dəyişikliklər qeyd ediblər. Qız dünyaya gətirmiş qadınlar mayalanmaya qədər, mayalanma zamanı və sonrakı bir neçə həftə ərzində oğul dünyaya gətimiş qadınlara nisbətən saçlarında kortizolun daha yüksək konsentrasiyasına (demək olar ki, 2 dəfə yüksək) malik olublar.
Bütün bunlar deməyə əsas verir ki, qız analarında kortizol sekresiyasının artımına səbəb olan və mayalanma zamanı cinsiyyət hormonlarının konsentrasiyasını dəyişdirən hipotalamus-hipofiz-böyrəküstü vəzi sistemi aktivləşir.
Digər tərəfdən, testosteronun uşağın cinsiyyətinin təyininə təsir edə bilməsinə dair sübutlar var. Belə ki, prenatal stressin səviyyəsi nə qədər yüksək olarsa, testosteronun səviyyəsi də bir o qədər yüksək olur.