Nahar və ya şam yeməyindən sonra 15–20 dəqiqəlik yüngül gəzinti sağlamlığınıza müsbət təsir göstərə bilər.

 

Bu barədə Aztibb.az-a Diaqnoz Tibb Mərkəzində Baş həkimin müalicə işləri üzrə müavini, terapevt-hepatoloq Tofiq Əkbərov məlumat verib.

 

Tofiq Əkbərov bildirib ki, qan şəkərinin səviyyəsinə nəzarət etməyə kömək edir, maddələr mübadiləsini dəstəkləyir. Bundan başqa, qaraciyərdə yağ toplanmasının azaldılmasına kömək edə bilər.

 

"Sağlam həyat tərzində davamlılıq intensivlikdən daha vacibdir. Kiçik, lakin müntəzəm addımlar uzunmüddətli sağlamlığın qorunmasında əhəmiyyətli rol oynayır", - deyə həkim əlavə edib.