Azərbaycan Respublikası Səhiyyə Nazirliyi İctimai Səhiyyə və İslahatlar Mərkəzi tərəfindən 3-4 aprel 2021-ci il tarixdə onlayn seminar keçiriləcək.
Aztibb.az xəbər verir ki, Azərbaycan və Türkiyə mütəxəssislərinin iştirak edəcəyi seminarın məqsədi məişət zorakılığının qarşısını almaq, məişət zorakılığı qurbanlarını erkən aşkar etmək, məişət zorakılığına məruz qalmış şəxslərə yardım göstərilməsi işini təkmilləşdirilmək, tibb işçilərinin bu istiqamətdə bilik və bacarıqlarını artırmaqdır.
Ödənişsiz keçiriləcək seminarda terapevt, pediatr, ailə həkimi, psixiatr və psixoloqun iştirakı nəzərdə tutulub.
Qeyd edək ki, seminar Azərbaycan Respublikası Səhiyyə Nazirliyinin Elmi Tibbi Şurası tərəfindən akkreditasiya olunub və 10 DTT kredit balı ilə qiymətləndirilib.
