Qara istiot dünyada ən məşhur ədviyyatdır. Ona "Ədviyyat kralı" adı təkcə dünyanın bütün mətbəxlərinin tələbatına görə deyil, faydalı xüsusiyyətləri baxımından da verilib.

Aztibb.az xəbər verir ki, ədviyyatlar içərisində ən çox istifadə olunan istiot zülal, mineral maddələr, karbohidrat və S vitamini ilə zəngindir. İstiot yaddaşı gücləndirir, orqanizmi mikroblardan qoruyur, beyində damarları genişləndirir, xolesterin və qanda qlükoza səviyyəsini tənzimləyir, ürək ağrısının azalmasına kömək edir.

Qara istiot güclü antioksidant - piperinin yüksək konsentrasiyasını ehtiva edir. Bu, bədəni sərbəst radikal zədələrdən qoruyur, iltihablı proseslərin inkişafının qarşısını alır, yaşlanma prosesini ləngidir və ultrabənövşəyi şüalanmadan qoruyur. 

Bu ədviyyat güclü antiinflamatuar xüsusiyyətlərə malikdir. Onun digər bir faydası mikrobiomun keyfiyyətini artırmağa kömək etməsidir.