Günəbaxan tumları insan orqanizmi üçün faydalı məhsullardan biridir. 

Aztibb.az xarici KİV-ə istinadən xəbər verir ki, son illər ərzində ABŞ alimləri tərəfindən aparılan araşdırmalar təsdiq edib ki, tumun gündəlik az miqdarda istehlakı orqanizmdə qocalma proseslərini ləngidir. Lakin o, çiy halda qəbul edilməlidir.

Qeyd edək ki, günəbaxan tumlarının  tərkibində çoxlu miqdarda fosfolipid, vitamin və sterollar var. Fosfolipidlərin orqanizmə müsbət təsiri çoxdur. Onlar ürək-damar sistemi xəstəliklərinin qarşısını alır, qaraciyəri piylənmədən qoruyur, sinir sisteminin fəaliyyətini tənzimləyir və s.

Sterollar da, insan ömrünü uzatmaq, cavanlığı və sağlamlığı qorumaq xüsusiyyətlərinə malikdir. Bu tumlar gəncləşdirici xüsusiyyətlərə malik E vitamini ilə də zəngindir. Həmçinin tumun tərkibində olan kalium və maqnezium ürəyin sağlamlığı üçün olduqca vacibdir.