Risklərin qiymətləndirilməsi üzrə Alman Federal İnstitutu qarışıq pəhrizə riayət edən 36 insanda, eləcə də 36 veqanda sümüklərin sağlamlıq vəziyyətini analiz ediblər.

Aztibb.az meddaily.ru-ya istinadən xəbər verir ki, bunun üçün daban sümüyünün (sümük toxumasının sıxlığını göstərir) ultrasəs densitometriyası aparılıb. Nəticədə veqan pəhrizinə riayət edən insanların digərləri ilə müqayisədə, sümük sıxlığının orta hesabla daha aşağı göstəricilərinə malik olduğu aşkarlanıb.

Tədqiqatın gedişində alimlər, həmçinin qanda və sidikdə əhəmiyyətli biomarkerləri seçiblər. Bu,  pəhriz və sümüklərin sağlamlığı arasındakı əlaqəyə bağlı ola bilən qidalandırıcı maddələrin müəyyən olunmasına yönəldilib. 28 parametrdən sümüklərin sağlamlığı ilə ən sıx bağlı olan 12 biomarker müəyyən edilib. Məsələn, buraya amin turşusu lizin və A və B6 vitaminləri daxildir. Veqanlarda bu biomarker məlumatlarının səviyyəsi aşağı olub.

Tədqiqatçılar bildirirlər ki, A və B6 vitaminləri, lizin, leysin, omeqa3-ün yağ turşusu, R selenoproteini, yod, TSH, kalsium, maqnezium və α-Klotho zülalının kombinasiyası sümüklərin sağlamlığı ilə bağlıdır. FGF23 (fibroblastların artması amili) hormonunun daha aşağı konsentrasiyaları isə densitometriyanın daha yüksək göstəriciləri zamanı müşahidə olunub.