Kaliforniya Universitetinin Tibb məktəbi insanın sağlam dərisindən alınmış bakteriyaların atopik dermatiti (ekzema) sağalda bilən universal ştammını aşkar ediblər. Mütəxəssislər bu bakteriyaların təhlükəsizliyi və hərəkət mexanizmlərini tədqiq ediblər. Heyvanlar üzərində aparılan sınaqlar və kliniki tədqiqatların birinci mərhələsi başa çatıb.

Aztibb.az meddaily.ru-ya istinadən xəbər verir ki, 54 insanın iştirak etdiyi kliniki tədqiqatda hər üç iştirakçıdan ikisində simptomların yaxşılaşması müşahidə olunub. Sınaqlar dəridə təhlükəli patogen olan qızılı stafilokokun azaldığını göstərib. Onlar qaşınma və iltihabdan daha az şikayət etməyə başlayıblar, bu halda əlavə təsirlər qeyd edilməyib.

Sağlam insanların dərisindən alınmış stafilokok bakteriyalarının 8000-dən çox izolyatorları analizə cəlb olunub. Alimlər qızılı stafilokokun artmasını kəskin azaldan bir neçə ştamm aşkar ediblər.

Çoxsaylı yoxlamalardan sonra "Staphylococcus hominis A9" bakteriyalarının birmənalı olaraq atopik dermatitin müalicəsində effektiv olan bir ştammı müəyyən edilib. Məsələn, bu ştammdan hazırlanmış losyon (3 gün boyunca gündə 2 dəfə dəriyə çəkilən) dermatiti olan siçanları tamamilə sağaldıb.