Filippin, İngiltərə və Almaniyanın onlara koronavirus peyvəndi bağışlamağa razı olacağı təqdirdə, əksəriyyəti tibb bacıları olan minlərlə səhiyyə işçisinin işləməsi üçün həmin ölkələrə getməsinə icazə verilə biləcəyini söyləyib.
Aztibb.az xəbər verir ki, koronavirusdan ən çox təsirlənən ölkələrdən biri olan Filippin, səhiyyə işçilərini xaricə buraxma qadağasını yumşaltsa da, ölkəni tərk etmək istəyən tibb mütəxəssislərinin sayını ildə beş min nəfərlə məhdudlaşdırır.
Filippin Əmək Nazirliyindən bildirilib ki, ölkələri İngiltərə və Almaniyadan gələn vaksin müqabilində məhdudiyyətin qaldırılmasına baxılacaq.
Qeyd edək ki, tibb bacıları xaricdə işləyən və hər il ölkə iqtisadiyyatına orta hesabla 30 milyard dollar töhfə verən milyonlarla işçinin əsas hissəsini təşkil edir.
