Sosial təcrid şəraitində pis vərdişlər artır.

Aztibb.az TASS-a istinadən xəbər verir ki, Yeni Cənubi Uels Universiteti bununla bağlı araşdırma aparıb.

Araşdırmada gəmiricilərdən istifadə edilib. Tədqiqat nəticəsində məlum olub ki, nikotinə alışmış siçovullar sosial təcrid olunduqda yenidən nikotin mənbəyi axtarmağa başlayıb. Heyvanlar digər gəmiricilərlə ümumi qəfəsə qaytarıldıqda isə nikotin axtarmağı dayandırıblar.

Qeyd edilib ki, insanların da sosial təcrid zamanı şəkər və siqaret istəklərinin artması və aşırı yemə narahatlığı ilə qarşılaşa bilərlər. Aktiv sosial qarşılıqlı təsir isə pis vərdişlərə qalib gəlməyə imkan verir.

Alimlər, qəhvə içmək və dostlarla söhbət etmək fürsətinin lazımsız yeməklərdən və siqaretlərdən yayındırdığını və zehni sağlamlığa da faydalı təsir göstərdiyini qeyd ediblər.

Qeyd edək ki, 2018-ci ildə amerikalı alimlər sosial təcridetmənin xüsusi bir maddə yığılmasına və beyində dəyişikliklərə səbəb olduğunu müəyyən etmişdilər. Beləliklə, uzun müddət davam edən sosial təcrid (2 həftə) laboratoriya heyvanlarının davranışında dəyişikliklərə səbəb olmuşdu. Siçanlar xüsusilə tanımadıqları şəxslərə qarşı daha aqressiv olduqları məlum olmuşdu.