Hər qadın yaşından gənc görünməyi arzulayır və bunun müəyyən sirləri var.

Rusiyanın tanınmış kosmetoloqu Yekaterina Morozova gənc qızlarım yetkin insanların dərisi üçün nəzərdə tutulan prosedurlardan imtina etməli olduğunu açıqlayıb.

Aztibb.az xəbər verir ki, o, bəzi prosedurların gənc qızların dərisinə zərər verə biləcəyini deyib.

Y.Morozova ilk növbədə 20 yaşda kəskin pilinqlər etdirməyin əleyhinə olduğunu qeyd edib:

"Məsələn, 20 yaşda kəskin dəri soyulması (pilinq), almaz dermabraziya, plazma müalicəsi, botulinum terapiyası edə bilməzsiniz.

Gənc yaşda insan belə kosmetik müdaxilələrə çox diqqətli olmalıdır. Bu dövrdə dəri güclü hormonal dəyişikliklərə məruz qalır və ətraf mühitə yenicə uyğunlaşmağa başlayır. Odur ki, dəriyə zərər verməyəcək düzgün baxımı seçmək vacibdir.

25 yaşda SMAS liftinq, biorevitalizasiya və botulinum müalicəsi zərərlidir. Ən yaxşı effekt üz masajı sayəsində əldə edilə bilər. Lenfatik drenajı seçmək daha yaxşıdır.

30 yaşdan sonra demək olar ki, bütün gözəllik prosedurları aktuallaşır. Gələcəkdə dərinin solmasının və tonusunu itirməsinin qarşısını ala bilmək üçün bu yaş ən məhsuldar dövrdür. Düzgün müalicə kursu da eyni dərəcədə önəmlidir.

35 yaşdasınızsa, bukkal üz masajı qəti şəkildə zərərlidir. Bu masaj əzələ korsetinin sallanmasına səbəb olacaq. Bütün digər prosedurlar edilə bilər, ancaq kosmetoloqun nəzarəti altında həyata keçirilməlidir".