Yeni kəşf olunan qan testi Alzheimer xəstəliyi olan insanları sağlam insanlardan ayırd edəcək, eləcə də genetik riski olan insanları koqnitiv pozulma yaranmazdan 20 il öncə təsbit etməyə imkan verəcək.

Aztibb.az sciencedaily.com resursuna istinadən xəbər verir ki, bu barədə ABŞ-ın Tibb Assosiasiyasının “JAMA” jurnalında məlumat verilib.

Lund Universitetinin professoru Oskar Hanson bildirib ki, uzun illər ərzində alimlər adətən insan öldükdən sonra onun beynindəki amiloid maddə və tau zülalının xarakteristikasına əsasən bu xəstəliyi müəyyən edə biliblər. Lakin, yeni qan testi neyrofibrilyar yumaqcıqların əsas tərkib hissəsini təşkil edən tau zülalının ölçülməsi ilə (p-tau217) həyatını itirməmiş insanlarda da xəstəliyi tədqiq edə biləcək.