Artıq çəki görünüş ilə yanaşı sağlamlıq baxımından da narahatlıq yaradır. Arıqlamaq üçün bəzi məhsulları qida rasionunuzdan çıxarmalısınız.

Aztibb.az çəki artımına səbəb olan qida və içkilərin siyahısını təqdim edir:

Marqarin

Marqarindən tamamilə imtina edilməli, və ya çox az miqdarda istehlak edilməlidir. Çünki bu yağın tərkibi trans yağlardır. Trans yağ turşuları qan damarlarına zərərlidir və ürək xəstəliyi riskini artırır. Ancaq vücudunuzun normal işləməsi üçün yağlara ehtiyac var, buna görə də zeytun yağı kimi sağlam yağlardan istifadə edilməlidir.

Qazlı şirin su

Qazlı şirin su zərərlidir. Vücudunuz fruktoza kimi bəzi şəkər növlərindən çox alarsa, qaraciyər onları qlükozaya çevirir. Vücudda qlükoza həddini aşdıqda istehlak edilən şəkərin qalan hissəsi yağa çevrilir.

Ağ çörək

Ağ çörək həzm üçün vacib olan nisbətən az lif ehtiva edir. Buğda çörəyində isə bu liflər çoxdur. 

Meyvə şirəsi

Meyvə suyu 100% təbii olsa da, yenə də sağlam qida deyil. Meyvə şirələri şəkərlə zəngindir. Həmçinin fabriklərdə meyvə şirələri ləzzətini qorumaq üçün oksigen çənlərində saxlanılır,  bu müddətdə də şirə faydalı xüsusiyyətlərini itirir.

Südlü sıyıq

Südlü sıyıq kimi əksər səhər yeməkləri bədənin asanlıqla həzm edə bilməyəcəyi şəkər və tatlandırıcılarla doludur. Yüngül səhər yeməyi istəyirsinizsə, yulafı seçin.

Duz

Çox duz istehlakı qan təzyiqi problemi yarada bilər ki, bu da ürək-damar xəstəliklərinə səbəb ola bilər. Bundan əlavə, duz vücudda suyu saxlayır və bu da tərəzidə çəkilən zaman aydın görünür.

Yağsız qidalar

Çox yağ qəbulu ilə yanaşı, az yağ istehlakı da orqanizm problem yaradır. Bədənin daha aktiv işləməsi üçün yağ da lazımdır. Buna görə də yağsız qatıq normal yağlı qatıqdan yaxşı deyil. Yağlar tez-tez şəkərlə əvəz olunur, amcaq bu da sağlam deyil. Doymamış yağlardan istifadə məsləhətlidir. Doymuş və trans yağlar çox zərərlidir.

Pendir

Pendir həm sağlam, həm də zərərli ola bilər. Yağlı pendirlər çox kaloridir. Aşağı kalorili pendirlər yemək məsləhətlidir.

Spirtli içki

Spirtli içkidə karbohidrat və şəkər çox olur. Yalnız bir neçə stəkan şərab və ya pivə 300-dən çox kaloriyə bərabərdir.