Saxta ətirlərdən uzun müddət istifadə xərçəngə səbəb ola bilər. Mütəxəssislər original parfumlərin belə tamamən zərərsiz olmadığını bildirərək, kimyəvi tərkibi olmayan təbii qoxulara üstünlük verməyi məsləhət görür.
Aztibb.az xəbər verir ki, ətirlərin təsir gördüyü ən önəmli orqanımız dərimizdir. Ona görə də mütəxəssislər onu dəriyə deyil, geyimlərimizə vurmağı məsləhət görür. Həmçinin, qoxuların təmas etdiyi yeri günəşdən qorumaq önəmlidir.
Ətirlərin ən çox təsir gördüyü ikinci orqan isə tənəffüs sistemidir. Saxta ətirlər burun tutulması, öskürək, qıcıqlanma, xroniki baş ağrısı, yorğunluq, qarın ağrısı, gözlərdə allergiya kimi problemlərə yol aça bilər. Uzun müddət saxta ətirlərə məruz qalmaq ağciyər xərçənginin yaranmasında rol oynadığı araşdırmalarda sübut edilib. Araşdırmalara görə, original ətirlərin də tamamən zərərsiz olduğunu deyə bilmərik. Buna görə də kimyəvi tərkibi olmayan təbii ətirlər seçmək sağlamlığınız üçün də önəmlidir.
Bir çox ətir rəfləri əslində bənzədilmiş saxta məhsullarla dolu olur. Əksərən müştərilərin bundan xəbəri olmur və baha qiymətə saxta ətir alır. Qeyd edək ki, saxta ətirlər bizə həm maddi, həm də sağlamlıq baxımından zərər vurur. Ancaq bu saxta malları ayırd etməyin çox sadə yolları var.
Qüsursuz paketləmə
Əgər şəffaf örtük narahatedici, düzgün olmayan bir şəkildə yapışdırılıbsa, o ətir saxtadır. Həqiqi ətir qutuları hər zaman qüsursuz örtüyə sahibdir....
Şüşə keyfiyyəti
Həqiqi ətirlərin yüksək keyfiyyətli şüşələri olur. Saxta olanlar isə daha kobud və düzgün olmayan xarici xətlərə sahibdir.
Keyfiyyətli qutu seçimi
Həqiqi paketləmə yüksək keyfiyyətli kartondan hazırlanır və şüşəni zərbələrə qarşı qoruyacaq şəkildə hazırlanır. Buna görə qutuların içində ətir şüşəsini tutacaq bir boşluq var. Həmçinin karton ağ olmalıdır, bozumtul yox.
Detalları gözdən qaçırmayın
Ətir mağazalarında rəflərdə gördüyümüz məhsullar çox gizli dəyişikliklərlə orijinallarından ayırd edilə bilir. Bu hiylə işbaz istehsalçılara məhkəmə işlərindən qurtulma şansı verir. Bu səbəblə ətir alarkən məhsulu yaxşıca yoxlamadan almayın.
Paketini yoxlayın
Orijinal ətirlər olduqca qalın və qutunu yaxşıca bükən şəffaf örtüyə malikbir. Düzgün sarılmamış qutular saxtalıq əlaməti ola bilər.
Etiket və yazılar
Orijinal qutu və saxta qutu üzərindəki yazıya diqqət edildiyində gözlə görülə bilən fərqlər var. Ətir alarkən məhsulun internet səhifəsini də ziyarət etməkdən çəkinməyin, oradakı məhsul haqqında məlumatları və paketi müqayisə edin. Ən kiçik fərq belə imitasiya əlamətidir.
Ətir rəngi
Məşhur markalar ətirlərində çox boya istifadə etmirlər. Buna görə həqiqi ətirlərin rəngi daha açıq olur. Ətrin diqqətçəkən kimyəvi rəngi onun saxta olduğunun bir işarəsidir.
