Normal olmayan yuxu insanın dərisinə, mədə-bağırsaq sisteminə, immunitetinə, çəkisinin normal qalmamasına səbəb olur.

Aztibb.az xəbər verir ki, mütəxəssislər araşdırma nəticəsində  yetərincə yatmayan adamların kökəlməyə meyilli olduğunu müəyyən ediblər. Onlar yuxusuzluğun orqanizmdə bir çox hormonun normal funksiyasına mənfi təsir etdiyini sübut edib.

Mütəxəssislər yuxusuz qalan insanlara hər axşam yeməyindən sonra piyada gəzməyi məsləhət görür. Məlumata görə, bundan başqa duş qəbul etmək, kitab oxumaq, çox qida qəbul etməmək də yuxuya yaxşı təsir edir

Alimlər artıq çəkidən əziyyət çəkən adamlara çəkisini azaltmaq üçün ilk növbədə yuxusunu normaya salmağı məsləhət bilirlər. Çünki yuxusuzluq maddələr mübadiləsini pozur və insanın yağ-piy mübadiləsini korlayır.

Bir həftə yuxusuz qalmaq orqanizmin qlükoza qəbulu zamanı baş verən insuilin mübadiləsinin də pozulmasına səbəb olur. Bu zaman insulin qanda olan qlükozanı parçalayıb enerjiyə çevirə bilmir və qanda qlükozanın miqdarının artmasına səbəb olur.

Yuxusuzluq beynimizdə olan kanabinoid reseptorlarına təsir edərək insanın acmasına və artıq qida qəbuluna səbəb olur.