“Qidalanma yuxu keyfiyyətinə əhəmiyyətli dərəcədə təsir göstərir. Beləliklə, yatmazdan bir-iki saat əvvəl qidadan imtina etmək ən yaxşısıdır, ancaq nə isə yemək istəsəniz, karbohidratsız və kofeinsiz qidalara üstünlük vermək daha yaxşıdır”.

Aztibb.az-ın russian.rt.com-a istinadən verdiyi məlumata görə, bunu somnoloq, psixologiya üzrə fəlsəfə doktoru, dosent Aleksey Melexin bildirib.

Onun sözlərinə görə, qida qəbul etmək yalnız mədə-bağırsaq traktının deyil, həm də sinir sisteminin işidir. Əgər axşam yemək istəyirsinizsə, bunlar stimullaşdırıcı təsiri olmayan qidalar olmalıdır: “Yemək bir çox insana sakitləşdirici təsir göstərir. Məsələn, tərkibində triptofan olan qidalar, xüsusilə yuxusuzluqdan əziyyət çəkən insanlar üçün xeyirlidir. Bu cür qidalara qoz-fındıq, banan, pendir, paxlalı bitkilər, həmçinin mal əti, hinduşka, quzu əti daxildir”.

Bəzi somnoloqlar hesab edir ki, yatmazdan əvvəl fiziki işdən, xəbərləri oxumaqdan və gərgin söhbətlərdən uzaq olmaq lazımdır.