"Science" jurnalının məlumatına görə, 36 yaşlı Braziliya sakini ən dəhşətli xəstəliklərdən biri hesab olunan HİV-dən xilas ola bilib. Məlumata görə, virusun yox olmasına səbəb ona verilən antiretrovirus dərmanlar və nikotinamidin (B3 vitamini) aqressiv birləşməsi nəticəsində mümkün ola bilər.

 

Müalicə kursu ötən ilin martında bitib. Bundan sonra xəstənin qanında İİV (QİÇS xəstəliyinə yol açabilən retorvirusdur) müəyyən edilməyib.

Məlumdur ki, bir sıra xəstələrdə müalicə kursu bitəndən sonra virus yüklənməsi yenidən artmağa başlayır.

 

Hələlik adı açıqlanmayan şəxsin limfa düyünlərinin tam müayinəsi aparılmayıb. Bunun üçün də alimlər QİÇS virusundan tam sağalmağa zəmanət vermirlər.

 

Məlumata görə, bu günə kimi adıçəkilən virusdan iki sağalma faktı qeydə alınıb. ABŞ və Böyük Britaniyadan olan xəstələrə qan xərçəngi ilə mübarizə əməliyyatı zamanı sümük iliyi köçürülüb.