İyulun 8-də İbadulla Ağayev Azərbaycanın baş epidemioloqu vəzifəsindən istefa verib. İ.Ağayev öz istəyi ilə ərizə yazaraq vəzifədən getdiyini bildirib. 

“1976-cı ildən Azərbaycan Tibb Universitetində (ATU) işləyirəm. 1992-ci ildən isə ATU-da professor, kafedra müdiriyəm. Həmçinin Əməkdar müəllim, Əməkdar elm xadimiyəm. 1991-ci il, ya da 1992-ci ildən ictimai əsaslarla baş epidemioloq oldum. İctimai əsaslarla işləyəndə heç kimə bunun müqabilində pul, maaş verilmir. Heç kim mənə heç nə deməyib. Sadəcə könüllü olaraq ərizə yazdım”.

Qeyd edək ki, bir neçə gün öncə İ.Ağayevin jurnalistə verdiyi cavab gündəm yaratmışdı. O, müxbirin pandemiya ilə əlaqədar sualına “Mən Bakıda deyiləm, rayondayam. Heç nədən də xəbərim yoxdur. Kənddə oturmuşam. Nə televizorum, nə də internetim var. Mən baş epidemioloq olanda nə olar? Mən də adamam da. Mənim də rayonda qohumum, əqrəbam var. Siz Səhiyyə Nazirliyinə, TƏBİB-ə zəng edin” - deyə cavab vermişdi.