Aztibb.az xəbər verir ki, körpələrdən biri Yenidoğulmuşların Reanimasiya və İntensiv Terapiya Şöbəsinə, digəri Vaxtından Qabaq Doğulmuşların Patologiyası Şöbəsinə yerləşdirilib.

 

Körpələrdən birinə yenidoğulmuşun tənəffüs çatışmazlığı, pnevmoniya və doğuş zamanı az bədən çəkisi (1650 qram), digərinə isə doğuş zamanı az bədən çəkisi (1830 qram) və neonatal sarılıq diaqnozları qoyulub.

 

Körpələrə institutun həkimləri tərəfindən müvafiq tibbi yardım göstərilib, müalicə prosesi diqqət və nəzarət altında davam etdirilib. Vəziyyəti stabilləşdikdən sonra digər körpə də müalicəsinin davam etdirilməsi məqsədilə Vaxtından Qabaq Doğulmuşların Patologiyası Şöbəsinə (VQDPŞ) köçürülüb.

 

Aparılan kompleks müalicə tədbirləri nəticəsində körpələrin ümumi vəziyyəti əhəmiyyətli dərəcədə yaxşılaşıb, tənəffüs funksiyası bərpa olunub, qidalanmaları normallaşıb və bədən çəkiləri artıb.

 

Körpələrin hər ikisi 2000 qramadək çəki artırıb və qənaətbəxş vəziyyətdə evə yazılıb.

 

Körpənin ailə üzvləri göstərilən yüksək ixtisaslı tibbi xidmətə, həssas və qayğıkeş münasibətə görə ETPİ-nin rəhbərliyinə, müalicə həkimlərinə, bütün tibb heyətinə dərin minnətdarlıqlarını bildiriblər.

 

ETPİ şəhid və qazi ailələrinə göstərilən diqqət və qayğını əsas fəaliyyət istiqamətlərindən biri kimi daim diqqətdə saxlayır. İnstitutun kollektivi körpələrə sağlam, xoşbəxt və uzun ömür arzulayır!