Mərkəzdən Aztibb.az-a bildirilib ki, iclasın məqsədi Yeni Azərbaycan Partiyasının VIII Qurultayında səsləndirilən əsas məsələlər, ölkənin ictimai-siyasi həyatında baş verən yeniliklər, dövlət siyasətinin prioritet istiqamətləri və qarşıda duran vəzifələr barədə məlumat vermək olub.

 

İclasda Mərkəzin baş həkimi, t.ü.f.d. Aygün Məmmədbəyli, eləcə də Mərkəzin həkimləri və əməkdaşları iştirak ediblər.

 

Çıxış edən Akademik Zərifə Əliyeva adına Milli Oftalmologiya Mərkəzinin şöbə müdiri, t.ü.f.d. Bənövşə Hacıyeva Azərbaycanın ərazi bütövlüyünün və suverenliyinin bərpası, iqtisadi inkişafı, milli təhlükəsizliyi, təhsil və vətənpərvərlik məsələləri barədə danışıb. Həmçinin Qarabağ və Şərqi Zəngəzurda aparılan bərpa işləri, “Böyük Qayıdış” proqramı və ölkəmizin beynəlxalq əlaqələrinin inkişafını diqqətə çatdırılıb.

 

Sonda dövlətçilik prinsiplərinin qorunmasının, milli-mənəvi dəyərlərə bağlılığın və ölkənin inkişafına töhfə verilməsinin əhəmiyyəti vurğulanıb.