Səhiyyə Nazirliyi Elmi-Tədqiqat Kardiologiya İnstitutunda Elmi Şuranın növbəti iclası keçirilib.

İnstitutdan Aztibb.az-a verilən xəbərə görə, iclasda gündəlikdə duran iki əsas məsələ müzakirə olunub.

İlk olaraq, institutun doktorantı Nurana Azayevanın 3218.01 – “Kardiologiya” ixtisası üzrə fəlsəfə doktoru elmi dərəcəsi almaq üçün təqdim etdiyi “Ağır dərəcəli arterial hipertenziyanın müalicəsində fiksəolunmuş üçkomponentli antihipertenziv dərman preparatlarının klinik-hemodinamik, biokimyəvi effektləri və ürəyin morfo-funksional vəziyyətinə təsiri” mövzusunda dissertasiya işinin ilkin müzakirəsi keçirilib.

İclasın ikinci məsələsi institutun Miokard infarktı şöbəsinin böyük elmi işçisi, tibb üzrə fəlsəfə doktoru Vüsal Vahid oğlu Hacıyevin dosent elmi adının alınması üçün müraciətinin müzakirəsi olub.

İclasda elmi fəaliyyətin inkişafı, kardiologiya sahəsində elmi tədqiqatların təşviqi və kadr potensialının gücləndirilməsi istiqamətində məsələlər diqqət mərkəzində olub.