Bu barədə Aztibb.az-a Milli Hematologiya və Transfuziologiya Mərkəzindən məlumat verilib.

 

Bildirilib ki, tədbir Ümummilli Lider Heydər Əliyevin və Vətənimizin ərazi bütövlüyü və suverenliyi uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlayıb.

 

Müşavirədə çıxış edən YAP Nəsimi rayon təşkilatının sədri Azər Süleymanov qurultayın Azərbaycanın ərazi bütövlüyü və suverenliyinin tam bərpasından sonra keçirilməsinin tarixi əhəmiyyətini vurğulayıb.

 

Mərkəzin icraçı direktoru Sərdar Əsədov çıxışında VIII Qurultayın ölkənin gələcək inkişaf istiqamətlərinin müəyyənləşdirilməsi baxımından mühüm əhəmiyyət daşıdığını bildirib. O, əldə olunan tarixi nailiyyətlərin qorunmasının, dövlətçiliyin möhkəmləndirilməsinin və milli maraqların müdafiəsinin vacibliyini qeyd edib.

 

Daha sonra tədbirdə çıxış edən Səhiyyə Nazirliyi Respublika Qan Bankının icraçı direktoru Elxan Nağıyev qurultayın əhəmiyyətinə toxunaraq, ölkəmizin inkişafında milli birliyin, həmrəyliyin və dövlətçilik prinsiplərinə sadiqliyin mühüm rol oynadığını qeyd edib.

 

Daha sonra YAP-ın ərazi partiya təşkilatının sədri, Mərkəzin Tibbi sığorta və xəstə xidmətləri şöbəsinin müdiri Murad Köçərli çıxış edərək qurultayın siyasi və tarixi əhəmiyyətindən, Prezident İlham Əliyevin rəhbərliyi ilə ölkəmizin qazandığı uğurlardan danışıb. O, güclü ordunun, iqtisadi müstəqilliyin, hərbi, informasiya və ideoloji təhlükəsizliyin dövlətimizin inkişafında mühüm rol oynadığını vurğulayıb.

 

Müşavirə Yeni Azərbaycan Partiyasının Himninin səsləndirilməsi ilə başa çatıb