Azərbaycan Respublikası Ailə, Qadın və Uşaq Problemləri üzrə Dövlət Komitəsi ilə Səhiyyə Nazirliyi İctimai Səhiyyə və İslahatlar Mərkəzinin (İSİM) birgə əməkdaşlığı çərçivəsində Rabitə və İnformasiya Texnologiyaları üzrə Bakı Dövlət Peşə Təhsil Mərkəzində “Reproduktiv sağlamlıq və ailə planlaşdırılması” mövzusunda maarifləndirici tədbir təşkil olunub.

 

İSİM-dən Aztibb.az-a verilən xəbərə görə, mərkəzin Monitorinq və təhlil şöbəsinin müdir müavini Zümrüd Kazımova geniş təqdimatla çıxış edərək reproduktiv sağlamlığa təsir edən əsas amillər, fərdi gigiyena qaydaları və zərərli vərdişlərin sağlamlığa mənfi təsirləri barədə ətraflı məlumat verib.

 

Ailə, Qadın və Uşaq Problemləri üzrə Dövlət Komitəsinin Ailə problemləri şöbəsinin müdir müavini Kamila Əliyeva çıxış edərək gənclərin həyatında reproduktiv sağlamlıqla bağlı yaşanan problemlərdən, ailə planlaşdırılmasının vacibliyindən və erkən nikahların fəsadlarından söz açıb.

 

Tədbirdə həmçinin irsi yolla ötürülən xəstəliklər barədə ətraflı məlumat verilib, nikahdan öncə aparılan tibbi müayinələrin vacibliyi vurğulanıb.

 

Yekunda iştirakçıları maraqlandıran suallar cavablandırılıb.